《原创文章 欢迎转载 请列明出处 谢谢》-请支持蓝狮 Facebook专页-《值得拥有一次联赛正选机会 按此观看图片 .图片来源 : Twitter车路士顺利晋级联赛盃决赛,虽然要同热刺斗到十二码先分到胜负,不过蓝军喺主场亦打出一场相当具水準嘅赛事,至少球员精神面貌都展示出争胜嘅决心。沙利喺今场波嘅人脚上无作出太大变动,只係喺左闸上安排负责开盃赛嘅艾马臣上阵,哩位巴籍意人交出嘅表现亦都相当具有说服力,但为何沙利仲係唔肯比佢一次联赛正选机会呢?上季加盟嘅艾马臣为意大利大国脚,但其实本身同佐真奴一样都拥有巴西人血统,出自巴西名门山度士,骨子裏有着具技术性嘅「森巴基因」,艾巴臣其实係一位相当典型巴西闸位球员,同时具备速度、技术同体力于一身,亦相当钟意前插助攻,其实喺现今球坛哩种踢法亦係一贯闸位球员所需要的,但沙利对于艾马臣喺队中嘅定位一直都只係左闸嘅后备人选。相比于常任正选马高斯阿朗素,其实两者之间各有长短,西班牙人能够处理球队喺右路嘅死球,始终队中左脚球员较少,同时能够拥有罸球能力就只有阿朗素一个,而球员偏好亦钟意自己杀入禁区,早两季都见佢喺球队面临失分关头挺身而出,但球员喺速度就真係偏慢,上左前就返唔切后,加上体能又唔係特别好,赛程频密下沙利又要场场出佢,真係场场比赛都见唔少佢比对手「爆」嘅场面。反而艾马臣喺阿朗素嘅短处方面就处理得比较好,好气好力能够喺前插助攻后都跑得切返嚟回防,亦好肯同队友配合,适当嘅时候拉边用尽球场阔度,等对手腾出更多空间有利球队进攻,同时佢喺边路出啲波嘅落点亦都相当不俗,尤其係喺有基奥特同场时更加需要多啲哩啲传中先製造到埋门机会。相反喺依加嘅战术下阿朗素走入禁区就只会令过多球员囤积于中路,尤其係同样打左边嘅夏萨特都係钟意自己带波入中间,喺没有太多空间下根本唔会有任何进攻机会,只係依赖个别球员自己嘅个人能力;当然,并非抺煞过去两季阿朗素嘅功劳,只係喺依加沙利嘅战术体系下艾马臣的确比起前者更合乎闸位球员嘅标準,哩位巴籍意人亦绝对值得拥有一次联赛正选嘅机会,而马体会以及祖云达斯亦对艾马臣虎视眈眈。沙利,求你开窍吧!文章最后更新时间 : 26/01/2019 12:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持